【本報訊】前英皇歌手曾樂彤與音樂監製徐浩12日結婚。一對新人於尖沙咀一家五星級酒店舉行婚宴，婚宴開始前，二人步出見傳媒，並應要求不停咀嘴。新娘除大騷白滑長腿外，二人又大晒手上的婚戒，十分甜蜜。
徐浩受訪時自爆早上接新娘講愛的宣言時，講到老婆名「曾樂」二字即喊，更喊到要趴在櫃上冷靜，而剛才註冊時也有落淚。曾樂彤就笑言很感動，但要控制住面部表情，又指回看早上的相片時，見到老公扭曲的樣子都忍不住笑，都有問過對方可介意發給傳媒。徐浩即說：「只要你開心就OK，錫老婆會發達。」記者問徐浩外父可有向他訓示？他表示與外父外母的關係很好，老婆亦與自己父母關係很好，兩家父母更會私下相約出街，因此他不擔心有婆媳問題。問到兩人何時去度蜜月，曾樂彤就指老公後日便要開工，她下星期亦要飛往外地，幾時度蜜月都無所謂，因平日經常都會去旅行自，兩人的相處模式都是好Chill，可以當某次旅行是度蜜月。徐浩聽到即冧爆老婆說：「娶到你好幸福。」談到造人大計？曾樂彤即表示：「單身就chur 結婚, 結婚就chur 生仔，我真係覺得做人唔需要咁harsh，尤其依家啱啱先可以周圍飛，個大環境又開始好返，覺得要積極去做一啲應該focus嘅嘢。」提到蔡卓妍(Sa)日前為她舉行了婚前派對，她表示同阿Sa做朋友，每日都會有好多驚喜，今次亦自己是人生第一個為自己而設的派對，更齊集了她多年來的好友，真的很感謝對方。問到老公可曾給她這樣的驚喜？曾樂彤指老公雖然很忙，但都會做些有心思的事。她自爆婚前一晚有少少婚前恐懼症，老公得知後即買了她最喜歡的朱古力,再貼上「唔好擔心」的memo ，而她會收藏老公所寫的字條。問到她恐懼甚麼？她坦言:「由細到大我都冇諗過會結婚，連小學同學都同我講『你嗰時又話唔結婚』，所以係有少少擔憂，但係完全唔關佢(徐浩)事。」分享 / Share :