【本報訊】劇集《我愛九龍城》早前先完成陳家樂為岑麗香慶生兼求婚的重頭戲，日前竟然見到兩位「面左左」，香香更眼濕濕，家樂表示這是一場尷尬的戲份：「因為飾演大佬嘅泰臣出咗事入院，呢場就講我返屋企同佢執嘢嘅時候，撞到香香，因為我同香香本身有啲好複雜嘅感情問題，所以就有啲尷尬。 導演一直都強調我哋呢套劇係一套悲喜劇，總之就係笑中有淚。」而香香就笑言本身角色係一個好體貼嘅女孩：「我都係想幫大嫂照顧吓啲小朋友，都唔知佢喺度，因為都知道男人係需要空間。」
另一邊廂，飾演二哥的敖嘉年，就是製造問題的人物：「呢場戲係講我上大嫂姚樂怡屋企借錢開麻雀館， 其實呢個角色都唔係一個殺人放火嘅壞人，只不過係貪小便宜，當中會影響兄弟情，但係最後都係好感動嘅。 」今次亦有兩位新晉演員阿米以及張牽迎，分別飾演泰臣及姚樂怡的女兒，兩位表示可以同前輩合作，完全是一個學習的黃金機會，但樂怡一講起她們，立即非常苦惱：「我日日喺屋企真係一頭煙， 除咗要對住兩個囡囡，一個係隱青，一個係反叛少女，仲要對住呢個唔生性嘅老公。其實我唔係得兩個女，仲多咗一個大仔！」反之泰臣就表示心涼：「我當然唔會表現出嚟啦， 表面仲話，哎呀老婆辛苦你啦， 直情做返一個演員嘅本分呀， 哈哈哈！」分享 / Share :
