【本報訊】黎諾懿與陳懿德及郭珮文主持的TVB全新旅遊節目《自駕德島》將於11月2日起播映，昨日三位主持出席記者會分享拍攝趣事。片段中兩位靚女性感上陣浸溫泉，又大玩激流和飛索。
諾懿表示早前與陳懿德及郭珮文到日本德島拍攝了七八日，其間有浸溫泉，問到他是否與兩位靚女一起浸溫泉？他笑說：「係分開嘅，今次主打係兩個靚女， 怕出嚟個畫面唔靚，加上個溫泉好細。」首次拍旅遊節目的郭珮文表示今次拍攝比想像中好玩及開心， 除了浸溫泉又玩激流和直立板，為了拍攝節目她準備了3套泳衣。問到事前可要keep fit？她說沒有：「所以個狀態可能唔係幾好。」相反陳懿德就坦言知道要與郭珮文一齊要穿泳衣拍攝，用了一個月時間減肥，成功減了8磅，連帶上圍也有點縮水，不過因期間不停吃，一個星期已重回幾磅。諾懿被問到兩位靚女哪個穿泳衣較靚？他笑說：「各有各靚，一個係賽車跑味重，一個係電動車有實用性，型號唔同。」諾懿更大讚郭珮文有綜藝感：「佢不時發呆，食食吓飯又突然反眼『師傅到』咁，將最真一面畀人睇，唔係裝出來，好可愛，抵讚。」郭珮文就解釋：「我都唔知發生咩事，有時啲表情都不受控制，本身個人都比較呆。」分享 / Share :
